भागूबाई चांगू ठाकुर विधी महाविद्यालयातफूड फेस्ट २०२०
पनवेल : प्रतिनिधी
जनार्दन भगत शिक्षण प्रसारक संस्थेच्याभागूबाई चांगू ठाकुर विधी महाविद्यालयात फेब्रुवारी महिन्याच्या शेवटच्या आठवड्यात लेक्चर सिरीज, रोझ डे, मिस-मॅच डे, ट्रॅडीशनल डे, मराठी भाषा दिवस, सारी डे आणि फूड फेस्ट आशा नानावीध शैक्षणिक, सांस्कृतीक आणि शिक्षणेतर कार्यक्रमांची रेलचेल होती. विद्यार्थ्यांच्या व्यक्तिमत्त्व विकासासाठी हातभार लागावा यासाठीच असे वेगवेगळ्या कार्यक्रम आयोजित करण्यात येतात. दि. २८/०२/२०२० रोजी महाविद्यालयात फूड फेस्ट – २०२० चे आयोजन करण्यात आले होते. याफूड फेस्ट चे उद्घाटन करण्यासाठी प्रमुख पाहुणे म्हणून मा. सौ. वर्षा प्रशांत ठाकूर, सदस्या, जनार्दन भगत शिक्षण प्रसारक संस्था, पनवेल आणि मा. अॅड. सौ. वृशाली जितेंद्र वाघमारे, नगरसेविका, पनवेल महानगर पालिका या उपस्थित होत्या. प्राचार्या डॉ. सौ. शितला गावंड यांनी अतिथींचे स्वागत केले. या स्पर्धेअंतर्गत अनेक विद्यार्थ्यांनी सहभाग घेवूनव्हाईट चिकन, कोळंबी भाकरी,मटन भाकरी,चिकन ग्रेव्ही आणि भाकरी, मिसळ पाव,कॉर्न लॉलीपॉप, पुराणपोळी, मोदक, पाणीपुरी,व्हेज बिर्याणी, चिकन बिर्याणी,चॉकलेट यासारखे नानाविध शाकाहारी आणि मांसाहारी पदार्थ अत्यंत माफक दरात सादर केले. या स्पर्धेत पदार्थाचे सादरीकरण, स्वच्छता आणि चव अशा बाबींसाठी विद्यार्थ्यांना गुण देण्यात आले आणि मुख्य अतिथी मा. सौ. वर्षा प्रशांत ठाकूर आणि मा. अॅड. सौ. वृशाली जितेंद्र वाघमारेयांनी सर्व बाबी पडताळून गुणांकण केले आणि सर्वाधीक गुण मिळविणार्‍या यशस्वी विद्यार्थ्यांची नावे जाहीर करून त्यांना प्रशस्तीपत्रके वितरीत केली. दोन्ही प्रमुख पाहुण्यांनी विधी महाविद्यालय विविध कार्यक्रम आयोजित करून विद्यार्थ्याना व्यक्तिमत्व विकासासाठी हरतर्‍हेने प्रोत्साहन देता असल्याबद्द्ल महाविद्यालयाचे कौतुक केले.
यास्पर्धेत मांसाहारी पदार्थांत कु. गुलाब खुटले हिला ‘चिकन,मटन, कोळंबी फ्राय - भाकरी’या पाककृतीसाठी प्रथम तर कु. निदा टोले हिला ‘व्हाईट चिकन’या पाककृतीसाठी व्दितीय पारितोषिक देण्यात आले आणि शाकाहारीपदार्थांत कु. प्रतीक्षा ठाकूर हिला ‘कॉर्नलॉलीपॉप’या पाककृतीसाठी प्रथम तर कु. पूर्णिमा पाटेकर हीला रंगीत मोदक या पाककृतीसाठी व्दितीय पारितोषिक देण्यात आले.खाण्याच्या नानाविध पदार्थांची रेलचेल असल्यामुळे विद्यार्थ्यानी या फुड फेस्ट -२०२० चा मनमुराद आनंद लुटला.
